ЭЪЛОН!

Кўрилган 4140 маротаба

Ичимлик сувидан фойдаланувчи истеъмолчилар диққатига!

Жорий йилнинг 22 январидан 15 февралигача бўлган муддатда Шимолий Фарғона каналида капитал таъмирлаш ишлари олиб борилаётганлиги сабабли каналдан сув келиши тўлиқ тўхтатилди. Бунинг натижасида, Наманган шаҳрининг асосий қисмига сув узатувчи Курашхона сув иншооти орқали ичимлик суви етказиб берилишида танқислик вужудга келиб турибди.

Курашхона сув иншоотига Қизилровот хамда Жийдакапа сув иншоотларидан етказиб берилаётган ичимлик суви миқдори Курашхона иншоотининг узлуксиз равишда сувни қайта узатиши учун етарли бўлмаганлиги сабабли, насос қурилмалари етарли сув тўплангунга қадар маълум муддат тўхтатилишига мажбур бўлинмоқда.

Бунинг натижасида Наманган шаҳрининг Гўзал дахаси, И.Каримов, Ж.Мангуберди, Косонсой кўчалари, Гулистон МФЙ, Ирводон ва Ровустон МФЙ ларнинг бир қисми, шунингдек 2, 3, 4, 5, 5а, 6 кичик туманлар, Елхон ва Орзу МФЙ хамда Нуробод дахаси худудларига ичимлик суви теказиб берилишида узилишлар содир бўлиб туради.

Истеъмолчилардан эхтиёжлари учун сув заҳирасини яратиб туришларини сўраймиз.

Ушбу юзага келаётган ноқулайликлар учун вилоят “Сувоқава” ДУК маъмурияти истеъмолчилардан узр сўрайди.

Охирги янгиланиш Душанба, 17 Феврал 2020 10:30
Ушбу бўлимга оид маълумотлар: « ЭЪЛОН! ЭЪЛОН! »